DAVAO CITY- Gipangunahan ni VP ug DepEd Secretary Sara Duterte Carpio ang pagsaulog sa 126th Independence day dinhi sa dakbayan sa Davao.
Pasado alas atso ang takna kaganihang buntag gipahigayon ang selebrasyon sa Rizal Park ning syudad nga gitambungan sa lokal nga mga opisyal sa LGU Davao ug mga law enforment unit sa kapuliusan ang kasundaluhan.
Atol sa komemorasyon nga dunay tema nga “Kalayaan, Kinabukasan, Kasaysayan” nagpahinumdom ang bise Presidente ug DepEd Secretary nga dili lamang kini ang adlaw sa kagawasan apan atoa sab nga hatagan sumala pa ug importansya ang pagkalingkawas nato sa mga kalisdanan nga atong gisagubang sa matag-usa.
Dugang pa sa nahisgutan nga ang kagawasan nga atong nasinati-an sa kasamtangan mao ang resulta sa pagpanigkamot sa atong mga katigulangan aron nga atong maangkon ang katungod sa atong kaugalingong nasud nga modumala alang sa katawhan ug ingon man ang pagdumala sa atong kaugalingon tinubdan sa panginabuhi-an.
Tungod niini, giawhag kitang tanan nga i-mentina ang kagawasan nga kini mao ang atoang tahas ug responsibilidad isip mga katawhan sa nasud samtang atong ipatigbabaw ang pagmahal sa nasud ug demokrasya ilabi na sa mga kabatan-unan.
