Gi-awhag ni House trial spokesperson ug Kabataan Party-list Representative Atty. Renee Co si Vice President Sara Duterte nga motambong sa unang adlaw sa iyang impeachment trial nga gitakdang sugdan karong Hulyo 6, 2026.
Sumala pa kang Co, naglaom siya nga dili molikay o “mang-ghost” ang Bise Presidente sa maong pagtaral ug personal kining moatubang sa proseso isip kabahin sa iyang responsibilidad sa publiko.
Dugang pa niini, gipasiugda ni Co nga importante nga mahuman ang impeachment process aron adunay tulubagon ug matubag ang mga pangutana sa katawhang Pilipino bahin sa mga alegasyon batok sa Bise Presidente.
Lakip sa iyang gihangyo, nanawagan usab siya sa mga senator-judges nga tumanon ang ilang katungdanan uban sa pagkaangayan, pagkamatinud-anon, ug dedikasyon alang sa kaayohan sa nasod.
Sa kasamtangan, nagpadayon ang pagpangandam alang sa impeachment trial ni Vice President Sara Duterte, nga gilauman nga mahimong usa sa labing gilauman nga legal ug politikal nga panghitabo sa nasod karong tuiga.
