DAVAO CITY – Gideklara ni outgoing Davao City Mayor ug Vice President-elect Sara Duterte-Carpio ang iyang P216.19-million campaign expenditures sa iyang Statement of Election Contributions and Expenditures (SOCE).
Ang SOCE ni Mayor Inday Sara ang iyang gi-file niadtong adlaw nga martes ug sa susamang aslaw usab niya kini gipagawas ngadto sa mga tigbalita.
Subay sa SOCE, nakadawat si VP Inday Sara ug kinatibuk-ang P136,609,244.91 in-kind contributions gikan sa iyang political party, samtang P79,581,690.15 ang in-kind contributions gikan sa ubang mga sources. Kini ang nagbaton ug Total contributions nga nagkantidad ug P216,190,935.06.
Moabot usab sa P216,190,935.06 ang kinatibuk-ang nagasto gamit ang in-kind contributions, nga gigamit alang sa iyang mga television advertisements, political rallies ug mga poll watchers.
Samtang, subay usab sa SOCE niini, wala usab sumala pay bisan usaka sintabos nga gigasto si Inday Sara nga naggikan sa iyang personal nga pondo o kaha resources alang sa iyang pagpangampanya.
Subay sa kamanduan sa Section 14 sa Republic Act 7166, nakalatid nga walay bisan kinsa nga napinili sa bisan unsa nga public office nga makasugod sa ilang trabaho hangtud nga maka-file kini ug statement of contributions and expenditures nga gi-require.
Gitakda sumala pa sa comelec ang deadline sa pag-submiter sa Soce sa kagahapong adlawa June 8, 2022.
