DAVAO CITY – Gisugyot karon ni Vice president Sara Duterte ngadto sa Davao City legal office ingon man sa mosunod nga magdumala niining dakbayan sa Davao nga hatagan og insintibo ang tanang mga empleyado sa panggamhanan.
Sumala pa ni VP Sara nga angayan lamang matud pa nga bugtian ang matag empleyado sa Davao City LGU sa ilang walay puas nga pagpaningkamot aron lamang mahatud ang mga nag-unang serbisyo sa katawhang Dabawenyo.
Ang nahisgutang incentives ang gilaumang aprubahan usab sa bulan sa Hunyo ning tuig kasamtangan.
Una nang gipasalamatan usab ni VP Sara ang tanang mga empleyado ug opisyal sa lokal nga kagamhanan sa Dabaw gumikan sa padayon nga pagsuporta sa mga nahisgutan ngadto kaniya.
Hangyo na lamang karon ni VP Sara ngadto sa mga empleyado sa city hall ug sa tanang Dabawenyo nga suportahan ang pagdumala sa iyang igsuon nga si incoming Davao City Mayor Sebastian Duterte.
