Hustisya karon ang panawagan sa kabanay sa usa ka Vlogger kon Content Creator nga taga Leyte human nga nakabsan sa kinabuhi gumikan sa usa ka “Challenge” gikan sa usa sa mga followers niini nga mag-mukbang og bukog sa tibuok nga adobong manok kambyo sa 20k.
Tungod niini, nanawagan ang pamilya ni Rogelio nga unta mopatim-aw ug tubagon ang hinungdan sa kamatayon sa maong mukbanger.
Apan matod sa mga kaila ni Rogelio, human sa maong challenge, kalit lang daw nawala ang maong follower nga nagpasugod sa mukbang challenge.
Gi-deactivate dayon niini ang iyang social media account busa wala na sila nakatuod kung asa nagpuyo ang follower nga kini ang ilahang idangop sa mga otoridad aron nga mahatagan og hustisya ang biktima.
Sa mismong Facebook account sa namatay nga mukbanger nga si Rogelio Adriano, makita ang live video sa paghatod sa iyang lawas ngadto sa sementeryo diin siya gilubong.
Sa video, makita ang pipila ka mga lalaki nga nagtambayayong sa pagbuhat sa iyang lungon gikan sa ilang balay padulong sa karo nga midala sa iyang lawas ngadto sa lubnganan.
Kahinumduman nga misukol ang vlogger sa usa ka challenge sa iyang YouTube subscriber nga nagbutyag nga ihatag kaniya ang P20,000 kon mahurot niini ang pagkaon sa tibook manok apil ang mga bukog niini.
