DAVAO CITY – Gikustodiya na sa Mawab Municipal Police Station ang usa ka prankster og ang kakuntsaba nga amigo niini nga kahinundumang nagbuhat og prank sa usa ka gasolinahan sa Barangay Poblacion, Mawab, Davao de Oro.
Giila sa Police Regional Office 11 ang mga dinakpan nga sila Jonel C. Cordero, 29 anyos, resident sa Barangay Andili; og ang kaubanang si Arnold O. Rabi, 32 anyos, taga-Barangay Nueva Visayas, ning munisipalidad.
Kahinumduman niadtong Miyerkules, nagbuhat og content ang vlogger nga si Jonel nga usa ka gasoline prank sa usa ka gasolinahan pasado alas-dos sa hapon.
Nipalit og gasolina ang maong vlogger pagkahumang iyang gilala ang usa ka bote sa gituohang gasolina nga gikaalarma sa mga trabahante sa maong gasoline station.
Nagpakitabang ang mga personahe sa gasolinahan ug gilayong miabot ang mga sakop sa MDRRMO Mawab, ug naabtan pa nilang dunay nagsuka-suka ug nagpakaaron ingnong nga dunay giagiang problema.
Apan pagpangutana sa emergency team nga kon mamahimo ba silang dalhon sa ospital, nagdumili ang vlogger og puno sa pangomedya nga nagtug-ang usa lang diay kini nga prank.
Nasayran sab nga usa lamang ka energy drink nga gisulod sa hawak sa dinakpan ang gituohang gasolina.
Gikadismaya sa mga emergency responders ang maong prank nga nag-ani sab og reaksyon sa social media.
Atol sab sa pagrekisa sa mga dinakpan sa selda, personal sab nga giistorya ug gipahimangnoan ni Mawab Mayor Ruperto Gonzaga III ang mga content creators nga gikatakdang kasuhan og Alarms and Scandals.
via || Bombo LJF
