Hugot na nga gidili sa Philippine National Police (PNP) ang pagbutang ug visible tattoos sa tanang mga pulis.
Sumala ni PNP PIO Chief Police Col. Jean Fajardo, giwagtang ang moratorium sa nasampit nga kamanduan human ang makuti nga pag-review hinungdan nga subaling magpadayon na ang pagpatuman niini.
Pahimangno ni Fajardo sa mga aplikante ug mosulod sa PNP service pinaagi sa recruitment, lateral entry o PNPA, ginadili na ang adunay tattoo.
Alang sa mga active police, gihatagan na lamang kini ug tulo ka bulan aron tanggalon ang mga visible tattoo ug kung dili mosunod sa kamanduan mag-atubang kini ug kasong administratibo.
Sa karon, ginahan-ay na niii ang proseso sa pagpapas sa mga tattoo.
Ilawom sa Memorandum Circular 2024-023 nga giaprubahan niadtong March 2024, gipatanggal ang ang tanang visible tattoo sa mga pulis.
gi-obliga sab kini nga mohimo ug affidavit ang usa ka pulis nga adunay tattoo nga hindi visible ug dili na kini tugutan pa nga magdugang pa ug tattoo sa asa man nga bahin sa kalawasan visible man o natago sa police uniform.
Kalakip sa mga tattoo nga kinahanglan nga papason ang extremist, ethnically o religiously discriminatory ug offensive tattoos, indecent, racist ug sexist tattoos.
Samtang dili sakop sa bag-ong patakaran ang aesthetic tattoos sama sa eyebrows, eyeliner ug lip tattoo.
