DAVAO CITY – Isyuhan sumala pa ug citation tickets ang mga violators sa sanitation code isip tubag sa nagpabilin nga bahad sa mga lamok nga nagdala ug dengue ilabi na karong panahon sa ting-ulan.
Ang nahisgutan sumala pa nga mandato kabahin sa Executive Order, EO No. 33, series of 2019, nga gilangdaan ni Acting Mayor Sebastian Duterte.
Gimandoan sa batang Duterte ang mga barangay nga ipadayon ang pagmonitor sa ilang mga areas ug ipatuman ang multa sa mga violators sa waste management ug segregation ordinances.
Samtang gimandoan sab ni Duterte ang 182 barangay nga mumugna ug Barangay Mosquito-Borne Viral Disease Task Force. Mandato ang maong task force nga mopahigayon ug regular vector surveillance sa purok level.
Ang maong unit mosumite kanila ug report sa ilang nagkadaiyang health districts aron nga momugna ug monthly reports.
Ang barangay-level task force kinahanglan sab nga momugna ug policy measures aron nga ipatuman ang anti-dengue measures.
