DAVAO CITY – Magsilbi sumala pa nga acting Mayor sa dakbayan sa Davao si Vice Mayor Sebastian “Baste” Duterte sulod sa duruha ka bulan human nga ang iyang igsuon nga si Mayor Sara Duterte-Carpio ang miduso ug 60-day special medical leave sugod Hulyo 19 hangtud Setyembre 17. Kahinumduman nga susamang wala mitambong kagahapong adlawa ang mag-igsuon sa gipahigayon nga state of the nation address (Sona) ni Pangulong Rodrigo Duterte.
Ilalom sa Section 456 sa Local Government Code of 1991, ang City Vice Mayor maoy magsilbi nga opisyal sa Sangguniang Panlungsod (City Council) ug molagda sa mga dokumento gikan sa city treasury alang sa mga galastuhon sa siyudad ug operasyon alang sa Sangguniang Panlungsod.
Dungan sa iyang paglingkod isip acting mayor, nagpagula kini ug pahayag nga girespeto sa kagamhanan ang katungod sa pagpadayag ilabi na sa mga nagpahigayon ug protesta kagahapong adlawa apan kinahanglan lamang nga likayan ang mga highways ug public areas aron nga dili maakpektohan ang dagan sa trapiko ingon man ang mga trabahante ug estudyante.
