DAVAO CITY – Mas palapdan pa karon sa lokal nga kagamhanan ang paghatag ug tabang ngadto sa mga kanhi sakop sa NPA nga mibalik na sa sabakan sa gobyerno.
Kini pinaagi sa pag-amyanda sa anti disicrimination ordinance sa dakbayan sa dabw.
Gikanayon ni davao city vice mayor Sebastian Duterte, hinabion niya ang konseho nga idugang sa nahisgutang ordinansa ang paghaatg ug patas nga pagtagad ngadto sa mga rebel returnee sa dakbayan sa dabaw.
Gihimo sa besi mayor ang nahisgutang pahayag atol sa gipahigayong seremonya sa victory declaration may kalabutan sa pagkabungkag sa duha ka guerilla front unit sa NPA.
Sa nahisgutang selebbrasyon, naa ang presensiya sa dul-an 78 ka mga sakop sa Sub Regional committee 5 sa NPA nga kanhi nagliohook sa bukirong bahin sa dakbayan sa dabaw ug kasikbit nga mga dapit.
Gikanayon ni Vice Mayor Baste nga angayang dili ma-discriminate ang mga kanhi sakop sa rebelding grupo nga buot nang mabuhi nga hapsay ug malinawon kauban ang ilang tagsa-tagsa ka mga pamilya.
Tumong sa plano sa bese mayor nga amyendahan ang anti discriminatioin law nga dili tulisukon ug sawayon ang mga former rebels sa ilang gitrabahuan, ug sa komunidad nga ilang gipoy-an.
Dungan niini, gipanad sa batan-ong Duterte nga ipadayon sa lokal nga kagamhanan ang paghatag ug tabang sa mga kanhi rebeldi hangtud makabalik kini sa ilang normal nga pagpuyo.
