DAVAO CITY – Samtang gi-asikaso pa sa lokal nga panggamhanan ang paghatag ug annual pension alang sa local citizens, gisaad ni Vice Mayor Sebastian “Baste” Duterte nga , mo-alokar ug financial assistance sa mga nahisgutan alang sa nagsingabot nga Disyembre.
Sumala pa kang konsehal Wilberto Al-ag, nakighinabi sumala pa niya si Vice Mayor Baste ug gihangyo siya nga mohatag ug financial assistance sa senior citizens, panahon sa Christmas season.
Apan sa kasamtangan, gisapinal pa ang kantidad nga ihatag diin maggikan sumala pa kini sa Philippine Amusement and Gaming Corporation (Pagcor). Gikanayong ang proposed pension ang ihatag matag ikaduhang semana sa Nobyembre matag tuig.
Plano sab sa lokal nga panggamhanan nga dungagan ang pensiyon apan kinahanglan una nila nga mangita ug pamaagi asa kuhaon ang pundo alang niini.
