DAVAO CITY – Gihagit ni Davao City Vice Mayor Bernard Al-ag ang Land Transportation and Franchising Regulatory Board (LTFRB) nga imbestigahan ug i-review ang mga franchises sa mga UV Express vans.
Gikanayon ni AL-ag, iyang gihimo ang nahisgutang lakang gumikan sa daghang mga aksidente sa kadalanan nga gikalambigitan sa mga UV express dili lamang dinhi sa dakbayan sa dabaw kung dili sa tibuok rehiyon.
Dugang pa ni Al-ag nga angayang seguraduhon sa LTFRB XI nga nasunod ang gilatid sa kamanduan sa matag prangkisa alang sa kaluwasan sa publiko.
Gawas niin, gisugyot usab ni A-ag nga angayang mohimo ang LTO og trainings ug seminars ngadto sa mga drivers ug molusad og random drug tests sanglit naakdawat usab kini og pipila ka mga reports nga adunay mga drivers ang naga-gamit og ginadiling druga.
Na-una na usab nga nag-post sa social media si kanhi Vice Mayor Paulo Duterte labot sa mga abusadong driver sa UV Express.
