Mahimong molabaw pa hangtod sa P20 trilyon ang utang sa nasud hangtud matapos ang termino ni Pang. Ferdinand Marcos Jr. sa 2028.
Sumala ni Finance Secretary Ralph Recto, luyo sa gibana-banaang pagdako sa utang, dili kini angayng kabalak-an tungod ang pag-uswag sa ekonomiya sa nasud ang ginapuntirya labaw pa sa pagtaas sa mga utang.Sumala pa nga pag-abot sa 2028, ang utang sa Pilipinas mokabat na sa P20 trilyon.
Apan ang ekonomiya nianang tungura gibana-banaang moabot na usab sa P37 trilyon.
Gikadugang pa si Secretary Recto, nga gigamit sa gobyerno ang mga utang aron pagdasig ug pagpalig-on sa ekonomiya pinaagi sa pagpamuhunan sa dugang nga imprastraktura ug mga proyekto sa pagpalambo sa human capital nga adunay labing taas nga multiplier nga epekto sa ekonomiya.
