Mokabat na sa P15.35T ang utang sa Pilipinas sa bulan sa Mayo ning kasamtangan nga tuig, subay sa gipaguwa nga pamahayag sa Bureau of Treasury.
Sumala pa sa ahensya, ang kinatibuk-ang utang misaka og P330.39 bilyon kon tugbang sa 2.2 porsyento sa katapusan sa Abril ning tuiga.
Kini tungod usab sa epekto sa depreciation sa lokal nga currency sa valuation sa foreign-currency denominated debt.
Nakatala usab ang nasud og tuig-sa-tuig nga pag-usbaw sa utang niini nga mokabat sa 8.4 porsyento.Base sa kinatibuk-ang stock sa utang sa nasudnong gobyerno, 31.96 porsyento ang utang sa gawas samtang 68.04 porsyento ang utang sa nasud.
Ang lebel sa utang sa nasud sa katapusan sa Mayo nga P10.44 trilyon mas taas sa 1.3 porsyento kung itandi sa katapusan sa Abril.
Gipasabot ni BTr nga ang pag-usbaw resulta sa P131.66 bilyones nga net issuance sa government securities ug ang P2.68 bilyon nga epekto sa peso depreciation sa foreign-currency denominated domestic debt. Samtang, ang lokal nga utang sa nasud mikabat og 8.9 porsyento sa Mayo.
Nisaka usab ang utang sa gawas sa gobyerno ngadto sa P4.9 trilyon nga mas taas og 4.2 porsiyento kon itandi sa kataposan sa Abril.
Ang utang sa gawas, sa laing bahin, miusbaw ug 7.4 porsyento sa usa ka tuig matag tuig.
