DAVAO CITY – Napatay sa kapulisan ang usa ka “John Doe” kinsa giilang ikaupat nga suspek sa kasong Bragas Rape-Slay human giingong misukol sa pagsilbi sa Warrant of Arrest sa iyang balay sa may Sirib, Calinan.
Sa report sa Calinan PNP, alas 10:40 sa gabii, adlawng Dominggo, samtang gihatod sa kapulisan ang warrant of arrest sa iyang balay aron dakpon tungod sa kasong pagpanglugos, kalit kining nibunot og .38 revolver ug gipusil ang mga operatiba.
Gumikan niini, natarantar ang mga otoridad tungod sa hinanaling kamatayon sa suspek. Giila ang suspek nga si Jimmy Lobiano nga taga Brgy. Sirib, Calinan.
Matod sa kapulisan nga si Jimmy ang gitumbok nga usa sa mga suspek sa nasangpit nga krimen, human ang tag-iya sa bodega nga iyang giabangan sa wala pa gipatay ug gilugos ang usa ka Architect.
Sa laing bahin, nisukol sa kapolisan ang pamilya sa napatay nga suspek human gisilbi ang warrant of arrest.
Ang upat ka mga akusado sa krimen nga sila si Renato Bayansao, Kent Espinosa, Dennis Panzan ug John Doe, bag-o lang gipasakaan og kaso sa krimen.
Si Dennis maoy unang nakakita sa iyang nawong nga giputos og packaging tape nga adunay mga bun-og sa lawas, human kini nakaikyas gikan sa mga midagit ug namatay sa ulahi, samtang si Kent Espinosa wala pa makauli human gidagit sa usa ka SUV duha na ka buwan ang nakalabay samtang si Renato Bansayao detinado na karon sa PDEA human nadakpan sa drug buybust operation.
Kahinumduman, katapusang nakit-an nga buhi si Vlanche Marie Bragas niadtong Mayo 16, 2023 sa gabii human nakuhaan og CCTV sa Poblacion Calinan nga nagsakay og yellow nga van.
Napalgan nga patay alas 6:00 sa buntag niadtong Mayo 17, 2023 sa tunga-tunga sa Banana Plantation ug sa imbestigasyon sa kapulisan, gilugos kini human gipatay.
via || Bombo HJR
