DAVAO CITY – Anaa na karon sa kustodiya sa Calinan Police Station ang peneriso nga si Mateo Tecson Pasaporte, 68 anyos,residente sa Calinan ning siyudad nga kapin usa ka bulan na nga nakagawas sa presohan human nga nakapahimulos sa Good Conduct Time Allowance o GCTA Law.
Kahinumduman nga nag-atubang ang nahisgutan ug kasong pagpanglugos ug homicide apan nakagawas sa presohan.
Gi-ubanan gilayon ang nahisgutan sa mga Intel operatives padulong sa Davao Prison and Penal Farm sa Davao del Norte human nga nahatagan ug certification of appearance.
Sa kasamtangan, anaa na sa tulo ka mga kanhi peneriso nga nagakawas tungod sa GCTA Law sa Rehiyon Onse ang mitahan sa otoridad human nga gihatagan lamang ang mga nahisgutan ug 15 ka adlaw nga lugway ni Pangulong Rodrigo Duterte aron nga mosurender.
Una na sab nga nanawagan si PBGen. Marcelo Morales, Regional Director sa PRO-XI sa kapin 70 ka mga kanhi peneriso sa Davao region nga mas maayong malinawon nga motahan sa pinakaduol nga estasyon sa kapulisan ug dili mopakita ug pagsukol.
