DAVAO CITY – Padayon karon nga nadungagan ang ihap sa mga Barangay sa Davao region nga hingpit na nga misalikway o miluwat sa ilang suporta ngadto sa mga rebeldeng grupo.
Ulahi nga nagdeklara ug persona non grata sa komunistang grupo mao ang Sitio Calinawan, Brgy Taocanga Davao Oriental.
Sumala sa mga residente sa lugar pipila ka tuig na sila nga naputos sa kahadlok nga binuhatan sa mga New People’s Army (NPA) hinungdan nga panahon na matud pa aron nga isalikway ang mga dili maayong binuhatan sa mga rebelde sa ilang komunidad.
Una ng nasayran nga ang nahisgutan nga lugar giilang geographically isolated and disadvantage area sa nahisgutan nga lalawigan ug giila kaniadto nga factory sa landmine.
Atol sa pagbisita sa mga kasundalohan ug mga opisyal sa maong lalawigan sa lugar, gipasibaw sa mga residente ang ilang panginahanglanon sanglit dili mahatagan ug igong serbisyo gikan sa kagamhanan.
Sa kasamtangan, nahatagan na ug pasiunang hinabang ang mga residente ug plano sumala pa nga palambuon ang dalan sa maong dapit.
Samtang gibutyag ni Lt. Col. Louie Dema-ala, commander sa 67th Infantry Battalion Philippine Army, nga ang mahinungdanon sumala pa karon nga mapahibalo sa mga lumulopyo sa lugar nga anaa sa gobyerno ug andam mga mohatag kanila ug serbisyo.
