DAVAO CITY – Nisalmot si Vice President ug Education Secretary Sara Duterte sa tinuig nga Brigada Eskwela sa Governor Vicente Duterte National High School sa Talomo, Davao City kagahapon.
Inubanan sa mga personahe sa DepEd 11 ug uban pang mga ahensya, nanguna ang bise sa pagpanglimpyo sa mga klasrum isip pagpangandam sa muabot nga pag-abli sa klase alang sa academic year 2023-2024.
Gihatagan og gibug-aton ni VP Sara ang tumong sa pagbaton og limpyo ug hapsay nga tulunghaan alang sa pagtuon sa mga tumutuon, ug ang panawagan alang sa Bayanihan spirit sa mga Pilipino nga andam mutabang sa pagpaandam sa mga tulunghaan sa naghinapit nga Balik Eskwela karong Agosto 29.
Kahinunduman nga nanguna si VP Sara sa paglusad sa bag-ong Matatag Curriculum sa Department of Education nga gikatakdang ilusad sa musunod nga academic year 2024-2025 diin tumong niini nga pakusgan pa ang literacy and mathematical skills sa mga estudyante gikan Kinder hangtud Grade 10 Levels ug gilaumang magpahiangay sa internasyonal nga sumbanan sa edukasyon.
via | Bombo LJF
