Usa ka payag, naugdaw sa sunog

DAVAO CITY – Naugdaw ang usa ka payag sa Phase 4 Kayuda Street, Bajada ning dakbayan sa Davao human kining gilamoy og kalayo kaganihang udto.

Saysay pa sa tag-iya sa balay nga si Edgar, usa ka laborer sa area, wala niya nabantayan nga mikuyanap na ang baga human maglung-ag kay naghigdahigda na kini.

Samtang matod pa sa iyahang silingan, gipapuyo lamang nila kini kay siya ang nagahagbas sa ilahang dapit. Sa karon, dili na matod pa pabalikon si Edgar gumikan nga dili niya ni iyahang kaugalingong luna.

Paspas usab miresponde ang 911 ug uban pang mga fire auxilliary services ning dakbayan ug na-deklara kining fire-out sulod lamang sa 30 minutos gikan sa pagkasunog.