DAVAO DEL SUR- Gidali sa pagdala sa balay tambalan ang mga myembro sa usa ka pamilya human nga sumala pa nalanag sa gikaon niining isdang Butete kon puffer fish.
Subay sa report sa kapulisan nahitabo ang insidente sa Brgy. Astorga, Sta. Cruz, Davao del Sur human nga nakasinate ug pagsuka-suka ang mga biktima, nangaluya human sa ilahang pagkaon sa maong isda.
Nasayran nga ang mga binuhing hayop sa usa ka pamilya ang nahilo sab ug nakabsan sa kinabuhi ilabi na ang binuhing iring ug manok. Sa karon padayon pa nga ginaobserbahan ang kahimtang sa mga biktima ug ginaimbistigahan pa sab ang kabahin sa maong panghitabo.
Nasayran nga adunay toxic chemicals ang bahin sa maong isda nga gitawag ug ‘Tetrodotoxin’. Apan adunay pipila ka mga indibidwal ang makabalo mohinlo niini nga dili sila mahilo.
Sa pagkakaron nagpahimangno ang mga eksperto nga dili magkonsumo sa maong isda kung kulang sa kahibalo sa paghinlo niini.
via // DMA
