DAVAO CITY – Mabilanggo sumala pa sulod sa tulo ka bulan ang si bisan kinsa man nga magpataka na lamang ug gawas sa ilang pinuy-anan taliwala sa gipatuman nga lockdown sa tibuok nasud Italy.
Sumala pa kang Bombo Radyo Correspondent Vivian Torres, kinsa nanimuyo ug halos 13 ka tuig sa Rome, Italy, kinahanglan nga mo-pirma ug Self Declared Document ang si kinsa mang residente nga buot mogawas sa ilang pinoy-anan.
Hinuon, gitugutan nga mogawas kadtong nagbaton ug emergency nga mga lakaw bahin sa ilang trabaho o kaha kinahanglan nga magpa konsulta sa doktor, apan angayang sumala pang mopirma sa nahisgutang dokumento.
Human gi-lock down ang tibuok Italy sugod kagabii kagabii hangtud sa Abril 3, kontrolado na sumala pa sa militar ug kapulisan ang mga train stations ug ang uban pang mga dapit nga adunay daghang tawo.
