Davao City- Gikatahong usa ka lalaki ang naanod sa sapa gumikan sa kakusog sa bul-og tubig sapa didto sa Kalye Apeke, Teachers Village, Calinan ning dakbayan, karong hapon lamang.
Giila ang maong lalaki nga si Alyas Junjun, hamtong ang pangidaron og maayo na lamang nga paspas kining natabang sa mga residente sa nasampit nga lugar.
Alayon sa mga nasinatiang pag-ulan ug makusog nga bul-og sa tubig sapa karong panahona, pipila ka dapit sa dakbayan ang giabisohan sa pre-emptive evacuation hilabi na sa mga katawhan nga nagpuyo sa Barangay Baliok, Bago Gallera, Bago Aplaya, lakip na usab ang mga nagpuyo duol sa Talomo River.
Ning kasamtangan, padayon ang pagpanubay sa mga otoridad sa mga nagkadaiyang dapit ning dakbayan.
Giabisohan usab ang publiko sa pagsunod sa advisory, ingon man sa pag monitor sa mga hingtungdan ahensya alang sa dugang updates
