DAVAO CITY – Human nga natala ang laing kaso sa polio sa nasod, gipahugtan karon sa usa ka waste and pollution watchdog group ang ilang kampanya aron nga masolusyonan ug mapahugtan pa ang kampanya sa kagamhanan nga Zero Open Defecation (ZOD).
Sa ulahing natala sa Department of Health (DOH), usa sumala pa ka tres anyos nga batang babaye sa Lanao del Sur ug singko anyos nga lalaki sa Laguna ang biktima sa polio.
Una ng gibutyag ni City Health Office (CHO) chief Dr. Josephine Villafuerte nga ang virus maangkon pinaagi sa infected waterways ingon man kontaminado nga swimming pools.
Tungod niini, nanawagan si Jovito Benosa, Zero Waste Campaigner sa EcoWaste Coalition nga gahinan ug pundo ang pagtukod ug sanitary toilet facilities ilabi na kadtong mga nanimuyo daplin sa kasapaan ug tudloan ang mga residente sa tukma nga hygiene ug sanitasyon.
Mihangyo sab si Benosa sa publiko nga mo-vail sa immunization aron nga mabatukan ang nahisgutan nga disease.
Nasayran nga ang anti-polio vaccine mamahimong makalikay sa maong disease nga sagad makaapekto sa mga bata nga 5 anyos paubos. Sa pikas nga bahin, suportado sab sa Department of Health (DepEd) 11 ang ipahigayon nga polio vaccination sa mga estudyante.
Sumala pa kang Jenilito Dodong Atillo, tigpamaba sa DepEd-11 kinahanglan nila nga ipasabot sa mga ginikanan nga walay angayan nga kabalak-an sa nahisgutan nga klase sa bakuna gumikan kay luwas kini sa panglawas.
