DAVAO CITY – Gitupok sa dagkong kalayo ang F. Bustamante National High School sa may Tibungco, Davao City, kagabii, Abril 30, bandang alas-5 sa hapon.
Sumala sa inisyal nga imbestigasyon sa Panacan Fire Station, nagsugod ang sunog sa ikaduhang andana sa abandong building nga gihimo karong stockroom sa mga ginamit nga modules, bangko ug uban pang gamit sa maong tulunghaan.
Bandang alas-7 dihang gideklarang fire out ang nasunog nga gambalay.
Mikabat sa unom ka mga klasrums sa 300 square meters nga gamabalay ang gilamoy sa kalayo ug gibana-banang miabot sa kapin P1.3 million pesos ang natalang danyos sa maong sunog.
Nasayran gikan sa school guard nga anaa sa maong area nga gisulayan nila og patay ang kalayo gamit ang fire extinguisher sa tulunghaan apan 10 niini ang nakitaang depektibo.
Hinuon, walay mga natalang nakabsan sa kinabuhi ug luwas sab nga gihikling ang mga residente duol sa tulunghaan. Ginasuta pa sa kabumberohan ang tinubdan sa nahitabong sunog
via || Bombo JM and Bombo LJF
