DAVAO CITY – Patong-patong nga kaso ang atubangon sa usa ka hubog nga NUP Doctor nga namusil patay ning nakalabay’ng kaadlawon sa Tavera, Davao City.
Samtang gikatakda usab nga usbon ang oras diin ipatuman ang liqour ban sa syudad sa Davao.
Inay nga ala 1 sa kaadlawon, himuon na kining alas 12 sa tungang gabie diin kinahanglan na nga magpatuman og closure ang mga imnanan dinhi sa syudad sa Davao.
Kini ang gikanayon ni Davao City Police Office Director Colonel Alberto Lupaz, alayon na sa nahitabong shooting incident sa Tavera.
Sigon sa opisyal nga kinahanglan usab nga mahimong istrikto ang management sa Bar nga idili ang mga pagdala og firearms sa ilang customer og kung kinahanglan nga kapkapan ang customer, ipatuman kini alang sa kaluwasan.
Bisan matod pa nga daan na nga nag tunhay ang maong ordinansa, apan gumikan sa pandemya daw nalimtan na ang pagpatuman niini.
Lauman usab nga madugangan pa ang police visibility aron mapugngan ang susamang mga panghitabo.
Kahinumdumang patay ang usa ka senior high school student nga 19 anyos nga si Amierkhan Pulanon Mangacop, human kini napulisan sa usa ka NUP doctor sa PROXI.
Kasong kriminal og kasong administratibo ang atubangon sa suspek nga si Marvin Rey Andrew Pepino, usa ka NUP Doctor, kinsa posibleng mataktak sa serbisyo.
Gipaklaro usab ni Col. Lupaz nga walay special treatment ngadto kang Pepino nga anaa na karon sa kustodiya sa kapulisan samtang nagapadayon pa karon ang ilang imbestigasyon.
Via|| Mel Valledor
