DAVAO CITY – (update) Gituohang patay na ang upat ka mga lalaki nga na-trapped sa nahugnong tunnel sa Purok 1, Brgy Kinamayan, Sto Tomas alas 10 sa buntag niadtong domingo.
Kini human wala nay namatikdang ang composite team sa mga rescuers nga sign of life sa mga biktima nga sila Kayl Castaneres, 18, Gerick Marquez, 23, Dindo Panares, 18, ug Rustom Rancho, 18 anyos pulos mga taga Kapalong, Davao del Norte.
Apan adunay nadawat nga balita ang lokal nga kagamhanan nga dili tinuod ang gipagawas nga edad sa mga biktima sanglit mga minor de ang mga nahisgutan.
Gipagawas ang maong desisyon human sa assessment sa Incident Command System ug Emergency Medical Responders nga nag-meting kagabii ug gikumpirma nga pakyas na ang rescue team sa pagkuha ug signs of life gikan sa nalubong nga mga treasure hunter.
Gikanayoni ni Atty Elay Evangelista Lapena – City administrator sa STo Tomas Davao del Norte, subling gibalik ang retrieval operation alas 6 kagahapon sa buntag gamit ang mga heavy equipment nga nagkalot sa lugar nga gituohang nalubong buhi ang mga gituohang treasure hunter.
Sumala ni Atty LApena, kapin 24 oras na nga na-trapped ang mga biktima diin walay tubig ug natabunan usab ug baga nga lapok ang ilang aginanan ug hangin hinungdanan nga gituohang patay na ang mga nahisgutan.
Nasayran nga mipahigayon sa ilang operayson ang mga biktima alas 9 kagahapon sa buntag, apan gireport lamang kini sa MDDRMO ala una sa hapon niadtong domingo human mireport sa mga otoridad ang mga kaubanan nining treasure hunters ug dili na nila ma-kontrola pa ang sitwasyon.
Nasayran nga una nang gipahunong sa barangay ang maong illegal nga kalihukan niadtong bulan sa Abril, apan lilong lamang gihapon sumala pang nagpadayon sa ilang treasure hungtiong ang mga nahisgutan.
