DAVAO CITY – Upat ka mga tricycle drivers ang nagpositibo sa sa paggamit ug ginadili nga droga human ang gipahigayon nga surprise drug test atol sa Davao City Transport and Traffic Management Office (CTTMO)’s education campaign ngadto sa public utility vehicle drivers sa Davao City Recreational Center kagahapong adlawa.
Gikumpirma ni Philippine Drug Enforcement Agency (PDEA) Davao Director Antonio Rivera nga ang wala hinganli nga mga drivers ang nagpositibo kini base sa urine samples sa mga nahisgutan nga gipailalom sa eksaminasyon sa PDEA personnel.
Kinatibuk-ang 280 public utility jeepney (PUJ) ug tricycles drivers ang mipailalom sa on-the-spot drug testing diin sa nahisgutan nga ihap, upat niini ang nagpositibo.
Ang mga nag-positive sa initial screening mipailalom sa counseling sa Preventive Education and Community Involvement (Peci) officer ug PDEA Children and Women Welfare officer.
Gi-refer sab ang mga nahisgutan sa Davao City Anti Drug Abuse Council (Cadac) alang sa tukma nga intervention ug gikumpiska gilayon ang ilang mga lisensiya sa Land Transportation Office ug suspendido ang mga nahisgutan samtang mopailalom sa rehabilitation o reformation program kaabag ang Department of Health or local government units.
Una ng gibutyag ni Mike Aportadera, sa City Anti-Drug Abuse Council (CADAC) nga target sa ahensiya ug sa PDEA ang mga drivers sa surprise drug test kini aron masiguro nga anaa sa maayo ang panghuna-huna sa mga nahisgutan ug wala nalambigit sa ginadili nga droga samtang anaa sila sa ilang pagbiyahe sa kadalanan.
