DAVAO CITY – Gikatakdang ipailalom sa mga programa sa kagamhanan aron nga matabangan ang upat ka mga miyembro sa Pulang Bagani Command 4 (PBC 4), Southern Mindanao Regional Committee nga mitahan sa 60th Infantry Battalion.
Sumala pa kang 1Lt Amadeuz VJ Celestial, Civil-Miltary Operations (CMO) officer sa 60th IB, ang upat ka mga surrenderees ang mga miyembro sa Umayamnon-Manobo tribe ug residente sa Agusan del Sur.
Dala sa ilang pagtahan ang gi-isyu kaniya nga mga armas.
Sumala pa kang Alias Ago ug alias Dalisay nga gipugos lamang sila sa ilang recruiter nga si Rene Catarata alias Tata nga mosulod sa kalihokan ug gani mibalibad sila nga biyaan ang ilang panimalay tungod sa ilang mga anak.
Apan wala sumala pa silay nahimo gumikan kay gibaharan sila nga patyon ang ilang pamilya sa higayon nga dili mosulod sa NPA.
Samtang sila si Alias Leroy ug alias Korme, ang gisaaran sa ilang recruiters nga hatagan sumala pa ang ilang pamilya ug pinansiyal nga suporta apan wala kini natuman.
Nasayran nga gisugo ang mga nahisgutan nga kuhaon ang ilang supply apan nakasibat kini ug miadto sa barangay kapitan ug tribal chief nga maoy mikumbinsi kaniya nga motahan.
Giturn-over sa mga nahisgutan ngadto sa otoridad ang usa ka M1 Carbine, usa ka 12-gauge shotgun, ug homemade shotgun ingon man caliber .357 revolver.
