DAVAO CITY – Tabangan sa kasundalohan nga makasugod sa ilang bag-ong kinabuhi ang upat ka mga batan-on nga miyembro sa New People’s Army (NPA).
Una ng mitahan ang mga nahisgutan sa kasundalohan sa Davao de Oro.
Sumala pa kang Capt. Mark Anthony Tito, 10th Infantry Division spokesperson, susama nga miyembro sa Regional Operations Command Southern Mindanao Regional Committee ang mga nahisgutan diin mitahan sila sa mga tropa sa 66th Infantry Battalion (IB) sa Barangay Coronobe, Maragusan, Davao de Oro.
Duruha sa mga nahisgutan ang naila nga sila si alyas: Jomari,18, squad political guide, ug Vina, 19, squad supply officer.
Mitabang sab ang mga nahisgutan arun nga masubay asa gipahimutang ang duruha ka M16 rifles sa Barangay Andap, New Bataan.
Gitataw sab ni Tito nga duruha ka minor edad ang gi-report na sa New Bataan Municipal Social Welfare Development Office (MSWDO) alang sa tukma nga disposiyon.
Sumala pa kang Maj. Gen. Nolasco Mempin, 10ID commander, nga welcome sa militar ang mga na-rescue nga mga minor de edad. Sukad 2016, nakatala na ang 10ID ug 121 ka mga naluwas nga mga minor de edad kinsa susama nga biktima sa armed struggle sa NPA.
Una ng gideklara ang CPP-NPA isip teroristang organisasyon sa United States, European Union, United Kingdom, Australia, Canada, New Zealand, ug Philippines.
