DAVAO CITY – Gikatakdang magpahigayon karong semana ang mga estudyante sa University of the Philippines (UP) ug systemwide protest aron nga babagan ang sugyot nga pagsulod sa mga sakop sa kapulisan ug kasundalohan sulod sa state universities lakip na sa UP.
Una ng gibutyag sa Office of the Student Regent (OSR), ang highest student representation sa UP Board of Regents, nga ideklara nila ang Agosto 20 isip  “UP Day of Walkout and Action.”
Gikanayong ang OSR memorandum gilagdaan sa Student Regent nga si John Isaac Punzalan nga nagkanayon nga kung tugtan ang kapulisan ug militar sulod sa tulonghaan, laoman sumala pa nga moresulta kini sa massive surveillance ug monitoring sa mga estudyante, faculty ug  officials, ilabi na kadtong vocally critical.
Nasayran nga kaniadtong 1989, usa ka kasabutan ang gilagdaan sa UP ug Department of National Defense nga pugngan ang otoridad sa bisan asa man nga UP campus. Â
Bag-ohay lamang, nanawagan ang Philippine National Police nga i-review ang susama nga kasabutan, human ang bag-ohay lamang nga Senate hearing nga gipangunahan sa kanhi police chief ug neophyte Senator Ronald Dela Rosa, diin gi-akusahan niini ang progresibong youth organizations nga nagapang-recruit ug mga rebelde.
Una na sba nga nagpagula ug “declaration of unity” ang UP student councils batok sa kapulisan ug military intervention sa state universities. Gideklara niya ang UP nga ipabilin nga zone of peace ug gawasnon sila nga makapadayag sa iyang mga ideya ug wala pagsinabtanay.
