Mokabat na sa unom sa matag napulo ka mga pamilyang Pilipino ang ikonsidera sa ilang pamilya nga kabus subay sa resulta sa survey sa Social Weather Stations nga gipahigayon niadtong Hunyo ning tuiga.
Kini migawas nga 58% nga mas taas og 12-puntos gikan sa natalang 46% niadtung Marso ning tuiga ug mas taas usab sukad niadtung Hunyo 2008.
Gibana-banaan usab nga mukabat sa 16 milyones ka mga indibidwal ang mi-classify usab sa ilang kaugalingon isip kabus, samtang 12.9 milyones usab ang natala niadtung Marso.
Ang labing taas nga ihap sa self-rated poverty natala sa Mindanao nga anaa sa 71%, kgisundan sa Visayas sa 67%, Luzon-52% ug Metro Manila- 39%.
Ang maong survey gihimo gikan niadtung Hunyo 23 hangtod Hulyo 1 pinaagi sa face to face interview sa 1,500 ka hamtong nga mga Filipino.
