Unom ka mga suspek ang nadakpan sa pagbalik sa drug operation sa kapolisan

DAVAO CITY – Nakadakop sab dayon ug unom ka mga tawo ang Davao City Police Office (DCPO) sukad nga gibali ngadto sa kapolisan ang gubat batok ngadto sa illegal nga druga.

Desmayado si Police Chief Inspector Catherine de la Rey, tigpamaba sa DCPO gumikan kay daw sa wala’y pagkatagam ang mga drug pushers ug drug pushers.

Dugang pa ni Dela Rey nga ang bag-ong City Drug Enforcement Unit magpadayon gihapon ang pagtoktok sa mga kabalayan aron nga awhagon ang mga drug personalities nga mo-undang na sa ilang dautan nga buhat.

Sa Buhangin Police, usa ka Ramil Hildo mga bag-ohay pa lamang gi-rehab ang subling nadakpan gumikan sa subling pagpamaligya ug illegal nga druga sa Palm drive, Buhangin, ning dakbayan sa Davao.