DAVAO CITY- Tingkagol sa selda ang unom ka mga indibidwal nga nadakpan sa gipahigayon nga drug buybust operation pasado alas sais ang takna sa buntag.
Sa report sa Sasa PNP, gilusad ang operasyon sa Purok Sta Lucia, Brgy Centro, Agdao District ning dakbayan sa Davao.
Giila ang mga dinakpan nga sila ALIAS BOSS, 37-anyos, nga ika-unom sa listahan sa dakbayan nga tigpayuhot sumala pa ug iligal nga droga, kauban sab niini ang usa ka ALIAS TABOR, 40-anyos, nga construction worker ug Alias VISAMIN, 30-anyos nga usa ka hair dresser ug ALIAS KING-KING, 23-anyos nga usa ka delivery rider,ug usa ka Alias MICHAEL 32-anyos, nga susamang residente sa Purok Sta Lucia, Brgy Centro, Agdao.
Samtang ang ika-unom nga dayo nga si alias APRIL 32-anyos nga usa ka OFW, nga residente sa Purok Dacudao, Brgy Lizada, Toril ning syudad.
Sumala pa sa mga otoridad nga naaktuhan ang mga dinakpan nga nagpot session human nga ang usa ka kanila ang namaligya sab ug iligal nga droga kon shabu.
Sa pagrekisa sa mga otoridad sa balay bnga ilahang gipunduhan narekober ang mga drug paraphernalia, sama sa lighter, aluminum foil nga gihimong sandayong kon foil tooter lakip na ang buybust money ga P500.
Nakumpiska sab sa mga dinakpan ang mga pakete sa iligal nga droga nga kapin sa P74,000 pesos. Sa karon ang mga dinakpan ang gipasakahan na ug kasong pagsupak sa RA 9165.
