DAVAO CITY – Gipangunahan sa mga opisyal sa Commission on Elections (Comelec), Philippine National Police (PNP), ug local candidates alang sa nagsingabot nga eleksiyon ang pagpahigayon ug unity walk ug paglagda ug covenant for peaceful and honest elections.
Gikanayong ang unity walk ug paglagda ug covenant ang gipangunahan sa Regional Internal Affairs Service (RIAS) 11 nga gipahigayon sa Davao City Police Office headquarters, San Pedro St. ning siyudad.
Pipila sa mga religious sectors ug media practitioners ang mipartisipar sab sa covenant signing ug misaad nga himuon nila ang tahas arun masiguro ang kalinaw, hapsay ug matinud-anon nga eleksiyon.
Magsilbi sab matud pa ang nahisgutan nga aktibidad nga pahinumdom sa tanan nga mga police officers nga mutamod sa guidelines nga unod sa Comelec Resolutions alang sa nagsingabot nga national ug local elections.
Gipasabot sab ni Colonel Alberto Lupaz, hepe sa Davao City Police Office ang papel sa kapulisan sa nagsingabot nga eleksiyon arun masiguro ang kalinaw ug kinahanglan nga pabilin kini nga non-partisan ug likayan ang mga lakang sa political patronage.
Samtang gipahimangnoan sab ni RIAS 11 director Brigadier General Oscar Nantes, ang mga police officers nga musupak sa guidelines sanglit unod sa Comelec resolutions nga mamahimong musangpot sa administrative liability ang atubangon sa mga nahisgutan.
