Gibutyag sa excutive sa Davao Light and Power Company (DLPC), nga anaa sa 62 porsyento nga kompleto ang ilang Underground Electrical Distribution System (UEDS).
Sumala pa kang Rossano Luga, assistant vice president sa Reputation Enhancement Department sa DLPC, nga maayo ang dagan karon sa distribution aron nga makonhuran ang traffic impact sa nagpadayon nga trabaho.
Gitataw sab ni Luga nga nakiglambigit sila sa City Transport and Traffic Management Office (CTTMO), City Engineers Office (CEO) and Wires And Cables (WAC) Team alang sa tanan nga mga naka-schedule nga mga trabaho.
Ginapahigayon sumala pa ang civil works sa alas nuebe sa gabii hangtud sa alas singko sa buntag matag weekdays, samtang sa weekend magsugod sa alas nuebe sa gabii sa biyernes hangtud alas singko sa buntag sa adlaw nga lunes diin dyutay lamang ang mga sakyanan nga naglawig sa lugar.
Gikanayong ang UEDS usa ka five-year project sa DLPC ug City Government diin mandato ang tanan nga mga communication companies, kalakip na ang DLPC nga ipatuman ang underground cabling plan sa dakbayan.
Tumong niini nga makunhuran ang mga electric ug telecommunication cables sa mga kadalanan sa siyudad.
