DAVAO CITY – Nakasinati og 6.1 magnitude nga linog ang Davao Region bandang alas-6:44 sa gabii.
Natala ang episentro sa linog 14 kilometros sa amihanang bahin sa New Bataan, Davao de Oro sa gilawmon nga 11 kilometros, diin natala ang Intensity III sa Davao Region.
Sigun sa Instrumental Intensities sa PHILVOLCS, nasinati ang Intensity V sa Nabunturan, Davao de Oro.
Samtang Intensity III sa Kidapawan City, Cotabato; Alabel, Sarangani; Tupi, South Cotabato; ug Bislig City, Surigao del Sur.
Nasinatian ang Intensity II sa Cabadbaran City, Agusan del Norte; Libona ug Malaybalay sa Bukidnon; Don Marcelino, Davao Occidental; Abuyog, Leyte; Cagayan de Oro, Misamis Oriental; Malapatan, Glan, ug Kiamba, Sarangani; Norala, General Santos City, Koronadal City ug Tampakan sa South Cotabato; ug Tandag, Surigao del Sur.
Samtang Intensity I ang nasinatian sa Alamada, Cotabato; Baybay ug Dulag, Leyte; Cagayan de Oro, Misamis Oriental; Maitum, Sarangani; Suralla, Santo Nino, T’Boli, ug Tantangan, South Cotabato; Saint Bernard, Southern Leyte; Columbio, Sultan Kudarat; ug Surigao City, Surigao Del Norte.
Atol sa pag-tay og sa kusog nga linog kagabii, pipila ka mga gambalay sa ubang bahin sa rehiyon ang nangaguba tungod sa 6.1 magnitude nga linog.
Pipila ka mga estudyanyte ug trabahante ang gipanghikling gikan sa trabahuan ug iskwelahan.
Ginapanubayan pa sa tanang disaster management teams sa mga lungsod og probinsya sa rehiyon ang posibleng damyos sa maong linog.
Samtang gipapaigmat sab ang katawhan sa posibleng aftershocks.
via || Bombo LJF
