DAVAO CITY – Gikatakdang ablihan karong Hulyo 1 sa alas 10 sa buntag ang unang bahin sa Davao City Coastal Road duol sa Times Beach, Ecoland, Davao City.
Tumong sa proyekto nga magsilbi nga alternatibong rota paingon sa Davao-Cotabato Road nga makapawala sa kahuot sa trapiko subay sa busy nga mga intersection ug sa Central Business District.
Ang proyekto nagsilbi sa daghang mga katuyoan, lakip ang bypass road, proteksyon sa baybayon ug breakwater.
Gilaraw kaniadto sa DPWH-Davao sa pag-abli sa unang bahin sa vehicular traffic sa Abril, apan kinahanglan nga iuktaba kini gumikan sa paghulat sa mga imported nga construction supplies ug tapuson ang mga gikinahanglang ayuhon sa coastal road.
Gisiguro ni City Transport and Traffic Management Office (CTTMO) head nga si Dionisio Abude nga nakig-alayon kini sa nagkalain-laing opisyal sa dakbayan aron masiguro ang malampuson nga inagurasyon.
Matud ni Abude nga nangandam na sila sa pagbutang og mga personnel sa may Maya Street ug Ecoland Drive, diin naghuot ang mga sakyanan.
via || Bombo LJF
