DAVAO CITY – Hugot ang paghatag og seguridad sa kapulisan sa Dakbayan sa Davao alang sa unang adlaw sa school year 2022-2023 karong adlawa, Agosto 22.
Sa gipagula nga mensahe sa kapulisan pinaagi kang Davao City Police Office (DCPO) director Col. Alberto Lupaz, gikanayon niini nga kagahapon pa andam ang hut-ong pangseguriudad sa syudad alang sa pagbalik sa klase.
Ubay-ubay ka mga sakop sab sa PNP ang gipang-deploy sa nagkadaiyang lugar sa syudad alang sa “Ligtas Balik Eskwela 2022” diin pipila ka mga personahe ang naka-standby gawas sa mga tulonghaan ug sa tanang mga academic institutions.
Gawas niini, kamatikdan nga aduna sab mga sakop sa kapulisan ang gipang-deploy sa mga major terminals ug uban pang points of convergence aron masiguro nga mapatuman gayud ang peace and order atol sa unang adlaw sa pagbalik sa klase.
Gipakusgan pa sa kapulisan ang ilang police visibility pinaagi sa pagpahigayon og regular patrolling ug pagmuntar og Police Assistance Desks sa pipila ka mga areas.
Nakig-alayon usab ang mga Police stations ning syudad sa Department of Education mahitungod sa pipila ka mga concerns may kalabutan sa kaluwasan ug seguridad sa mga estudyante, mga magtutudlo ug mga school staffs.
Nagpahimangno na lamang ang kapulisan sa mga ginikanan ug guardians nga giyahan ug tudloan ang mga bata sa mga angay ug dili angay nga himoon sulod sa eskwelahan ug sa higayon nga ma-expose sila daghang mga tawo.
