DAVAO CITY – Gisugdan na sa pagpatuman ang tulo ka bulan nga experimental truck ban sukad kaganinang alas singko sa buntag hangtud alas alasa 9:00 sa buntag ug alas 4:00 sa hapon hangtud na sa alas 8:00 sa gabii.
Subay sa ginbut-an sa sumbanan nga gipagula sa konseho ang mga truck nga gikan sa dakbayan sa Gensan ug Cotabato City papundohon lamang una sa dapit sa GTH, Toril hangtud sa kanto Mer Grande Beach Resort.
Ang mga truck gikan sa Cagayan ug Bukidnon mapundo lamang una sa Barangay Catalunan Pequeno hangtud sa kanto Green Hills Subdivision.
Ang mga sakyanan nga gikan sa Davao del Norte maghulat lamang una sa Bunawan Proper hangtud sa Sumifru hangtud nga mahuman ang oras sa truck ban.
City Transport and Traffic Management Office ang gitahasan nga mopatuman sa experimental traffic ban uban sa pagpakig-alayon sa City Planning and Development Office, Land Transportation Office (LTO), ug Highway Patrol Group (HPG).
Una nang nasayran gikan sa proponent Konsehal Conde Baluran, Chair sa Committee On Transportation nga human sa tulo ka bulan nga truck ban mohimo sila ug assessment nga himoon nga basihan sa truck ban amendment.
