Turkey, giablihan na ang border gate nila sa Syria

Gi-abrehan na sa Turkey ang border gate nila sa Syria aron makabalik na sa ilahang nasud ang mga refugee.

Gipahayag ni President Recep Tayyip Erdogan, nga gi-abrehan na nila ang Yayladagi border gate sa Syria aron sa luwas ug boluntaryong pagbalik sa pipila ka milyong Syrian refugees.

Suportado usab nila ang subling pagbangon sa Syria hinungdan nga andam sila mutabang niini.

Samtang gikalipay usab sa mga Syrian refugees ang pagpahawa sa pwesto ni Bashar al-Assad.

Ubay-ubay sa mga Syrians ang mipahawa sa ilahang nasud aron makalikay sa brutal nga pagdumala ni Assad sulod sa 50 katuig nga pagdumala niini sa ilahang nasud.