DAVAO CITY – Padayon nga gi-atiman sa mga doctor sa Southern Philippines Medical Center (SPMC) ang tulo sa dese siete na ka mga angol nga mga sakop sa kasundalohan nga mga sakop sa 3rd IB human sa natigayon nga panagsangka alas 3:00 ang takna sa hapong kagahapon sa Lamanan, Calinan, ning dakbayan sa Davao.
Gipangdala ang tulo ka mga samdon nga mga saundalo nga gipang-ila nga sila si Jose Bautista, 36 anyos, ug usa ka Mike Barnueva, 35 anyos, ug usaka Hernandez Veto Salongga, 24 anyos, nga sakop sa 3rd IB Philippine Army.
Nasayran nga samtang nagpahigayon ang mga sundalo ug hot pursuit operation sa Barangay Lamanan, Calinan kalit na lamang nga mibusikad ang landmine hinongdan nga naigo ang mga sundalo sa kagamhanan.
Si Barnueva 50-50 ang kahimtang gumikan sa ka-grabe sa nahi-aguman nga samad.
