DAVAO CITY – Nasikop ang tulo ka mga durigusta human sa nahitabong buy-bust operation sa Davao de Oro Provincial Office, Philippine Drug Enforcement Agency Regional Office XI, uban sa Maco Municipal Police Station ug PNP Regional Maritime Unit atol sa pagpuhag sa usa ka drug den sa Purok 9. -A, Barangay Poblacion, Maco, Davao de Oro.
Nadakpan ang suspek nga si Marlan Gonzales Gases nga nasakpang namaligya og usa ka piraso sa gituohang shabu nga mubalor og Php 11,000.00.
Sikop sab ang lain pa niyang mga kaubanan sa drug den nga si Wilmar Gases, ug ang bisita nga si Joseph Aligato.
Nasakmit ang lain pang pito ka heat-sealed plastic sachet nga adunay gidudahang shabu, usa ka empty plastic sachet nga adunay residue sa shabu, nagkadaiyang drug paraphernalia, ug buy-bust marked money.
Kasong paglapas sa Republic Act 9165 o Comprehensive Dangerous Drugs Act of 2002 ang giandam na batok sa mga suspek.
