DAVAO CITY – Balhug na karon sa presohan ang tulo ka mga suspetsado nga nasikop sa gilusad nga drug buy bust operation sa kapulisan sa Digos City Police station ug ahensiya sa Philippine Drug Enforcement agency (PDEA) 11.
Una ng giila ni PRO 11 Regional Director, PBGen Marcelo C Morales ang suspek nga sila si Elnor Paraiso Magali alyas Rb/Dodong, 27 anyos, ulitawo, Gym instructor ug residente sa Purok Islam, Lopez Jaena Ext., Brgy. Zone 1, Digos City; Amerodin Mangandong Imam alyas “Mero”, 25 anyos, driver ug residente sa Purok Islam, Lopez Jaena Ext., Brgy. Zone 1, Digos City; ug Christian Roy Daug-daug, alyas Roy, 18 anyos, ulitawo, walay trabao ug residente sa Purok Gemelina, Brgy. San Jose, Digos City.
Nasikop ang mga suspek sa Purok Anahaw, Mabini Ext., Brgy. San Miguel Digos City diin nakuha sa ilang posisyon ang P4,000 nga kantidad sa illegal nga droga.
Ang mga nahipus nga ebidensiya gikustodiya sa Davao Sur Provincial Crime Laboratory Office alang sa eksaminasyon.
Kalapasan sa republic act 9165 o dangerous drugs act ang atubangon sa mga suspetsado.
