DAVAO CITY – Mitugpa sa Southern Philippines Medical Center (SPMC) ang gitudlong tulisan samtang gipaslak sa presohan ang duruha ka mga kaubanan niini human nga ilang gitulis ang usa ka delivery boy sa usa ka food chain sa Damosa Branch kagahapong adlawa sa Sasa Bridge, Kilometro 9, Sasa, Davao City.
Una ng naila ang mga suspek nga sila si Jimboy, 17; Eeron Puno Monton, 21, nga maoy napulisan sa pulis ug James Carl Soterol Andres, 18, susamang mga residente sa Sto. Niño Riverside sa nahisgutan nga dapit.
Sumala pa sa delivery boy nga si Martin Paul Rosales Aldea Jr., samtang nagmaneho siya sa iyang motor ug pabalik na human nag-deliver, gi-atngan sumala pa siya sa tulo ka mga suspek ug giti-onan ug kutsilyo dungan sa pagdeklara ug tulis dungan sa pagkuha sa P1,000.
Nagpahigayon gilayon ug follow-up investigation ang otoridad ug malampuson nga nasikop ang tulo apan ang menor de edad ug si Monton misulay og sukol sa pulis dihang gipangdakop na sila.
Si Monton ang miilog sa armas sa pulis, samtang ang menor de edad miaksiyon og dunggab gamit ang kutsilyo nga ilang dala.
Sa Sto. Niño Bridge, nasikop ang mga nahisgutan samtang ang napusilan nga si Monton gidala sa Southern Philippines Medical Center kinsa anaa na sa luwas nga kahimtang.
Kasong robbery ug physical injury ang atubangon nga kaso sa duruha samtang ang menor de edad gi-turnover na sa City Social Services and Development Office alang sa proper intervention.
