DAVAO REGION- Gipahigayon sa syudad sa panabo ang Tuli Mo, Sagot Ko: nga kini ika-ipat ka tuig na nga gipahigayon sa mga barangay sa tibuok siyudad.
Kagahapong adlawa gipahigayon ang libreng tuli sa Barangay Katualan nga adunay pito ka mga batan-ong kalalakin-an ang nakabenepisyo sa maong programa.
Samtang gipahigayon sab sa Barangay San Roque nga adunay trese ka mga kalalakin-an ang hingpit nga natuli.
Kini nga programa, ang gipasiugdahan sa lokal nga kagamhanan sa maong syudad sa pakig-alayon sa Local Youth Development Office kauban ang City Health Office (CHO) nga tumong matabangan ang mga ginikanan sa mga galastuhan ug matabangan sab ang mga batan-on sa personnel hygiene sa mga kalalakin-an.
Gikatakda ang sunod nga skedyul sa tuli karong adlawa ang Barangay Sta Cruz ug mosunod sab ang ubang mga baranggay.
