Human nga makadawat og pag-apruba gikan sa National Economic and Development Authority (NEDA) alang sa Pang-Agraryong Tulay Para sa Bagong Bayanihan ng Mga Magsasaka (PBBM Bridge) Project, gipailawom sa validation, feasibility study, ug preliminary investigation ang gitakdang lugar sa pagatukoran sa tulay sa New Corella, Davao del Norte niadtong nakalabay nga Abril 7, 2025.
Ang maong proyekto nga naglakip sa pagtukod og linear bridge nagtumong sa pagpaayo sa koneksyon ug access alang sa mga benepisyaryo sa agrarian reform sa usa ka gitudlong barangay sa New Corella.
Ang kalihokan gipangulohan sa usa ka survey team gikan sa DAR Central Office ug DAR Regional Office XI, uban ang suporta sa DAR Provincial Office sa Davao del Norte PBDD ug DARMO New Corella, kauban ang SCHEMA Konsult, Inc.
Lakip usab sa validation team ang mga representante gikan sa Municipal Planning and Engineering Office sa LGU New Corella ug ang mga opisyal sa barangay nga apektado sa proyekto, nga mitabang sa paghatag og teknikal nga datos ug field assistance alang sa bridge design ug sa aplikasyon sa pondo ilawom sa Korean Export-Import Bank
