Ni-ubos ang net trust rating ni Pang. Ferdinand Marcos Jr. ngadto sa -3 niadtong Nobyembre gikan sa +7 sa bulan sa Septyembre sumala sa labing bag-ong survey sa Social Weather Stations (SWS).
Sa pikas bahin, nitaas ang rating ni Bise Presidente Sara Duterte ngadto sa +31 gikan sa +25 taliwala sa nagpadayong mga isyu sa nasud.
Sumala sa resulta, 41 porsiyento sa mga Pilipino ang niingon nga “gamay ang salig” kang Marcos, samtang 56 porsiyento usab ang nagpabilin nga “dako ang salig” kang Duterte.
Namatikdan nga ang labing dako nga pagkunhod sa rating sa Presidente naggikan sa Mindanao diin kini niabot sa -37.
Ang maong survey gipahigayon pinaagi sa face-to-face nga interview sa 1,200 ka mga hamtong sa tibuok Pilipinas gikan sa Nobyembre 24 hangtod 30.
