Patay ang usa ka drayber sa motorsiklo human nga mabanggaan kini og usa ka Truck, alas 2 sa hapon, kagahapong adlawa, Marso 28, 2025.
Nahitabo ang disgrasya sa Barangay Ilang, ning dakbayan sa Davao, atubangan sa TEFASCO Wharf.
Sumala pa sa inisyal nga imbestigasyon sa kapulisan, ang Suzuki Smash nga motor gimaneho sa usa ka alyas Jose, 38-anyos, taga Purok 2 Katipunan, Kapalong, Davao del Norte, samtang, ang truck gimaneho usab sa usa ka alyas Janu, 31-anyos, residente sa Purok 15, FR. 8, Tibal-og, Santo Tomas, Davao del Norte.
Nasayran nga ang motor ug dumptruck nagsubay sa susamang linya, apan ang motor nabanggaan sa truck, hinungdan sa pagkahagbong sa driver sa motor.
Gisulayan pa og dala ang drayber sa motorsiklo ngadto sa balay-tambalanan, apan wala na kini naluwas pa.
