DAVAO CITY – Pasakahan na ug kaso ang usa ka driver sa truck kinsa nakabangga sa usa ka estudyante nga nagmaneho sa iyang motorsiklo.
Naila ang biktima nga si Rhen Michael Cabillon, 17 anyos, tinun-an, residente sa Malungon Sarangani Province. Sa imbestigasyon sa Malalag PNP, samtang nagsubay sa National Highway sa Sitio Tawal Brgy. Taginsule Malalag Davao del Sur ang biktima kalit sumala pa kini nga nag-over take apan wala niini namatikdan ang iyang kasugat nga truck nga gimaneho sa usa ka Ronelo Casilao, 51 anyos, residente sa General Santos.
Tungod sa kakusog sa impact, patay on the spot ang biktima samtang kritikal ang kondisyon sa angkas niini nga nailang si Nica Taler, 14 anyos, residente sa Poblacion Malalag ug kasamtangan gi-obserbahan ang kahimtang sa Provincial Hospital sa lalawigan.
Hinuon boluntaryo nga mitahan sa otoridad ang driver human ang gikalambigitan nga aksidente.
