DAVAO CITY – Napalgang naglutaw-lutaw sa mga baybayon sa Barangay Limao, Babak, Island Garden City of Samal ang patayng lawas sa usa ka lalaki nga miambak sa gisakyang bangka niadtong Enero 22, adlaw’ng Domingo.
Alas-12 sa udto ang takna sa udto kagahapon, na-retrieve sa Search and Rescue Team sa Coast Guard Station IGACOS ug sa Special Operations Unit Southeastern Mindanao ang patayng lawas ni Junrex Timtim, 34 anyos, usa ka truck driver ug residente sa Barangay Lapu-Lapu, Agdao, Davao City.
Sumala sa mga otoridad, wala na matud pa nakit-an si Junrex human kini niambak sa pump boat nga gipanag-iyahan sa iyang amahan gumikan sa kusog nga hangin dala sa paghampak sa balud niadtong tungura.
Gilayong nagmando ang commander sa Philippine Coast Guard IGACOS Ensign Vasit Venturillo ngadto sa tanang marino nga pangitaon si Junrex.
Sumala pa sa iyang sister in law sa biktima, giubanan niya ang iyang amahan aron mamingwit og isda matag weekend diin nagpahuway si Junrex gikan sa trabaho isip truck driver.
Pagkuha sa patayng lawas niini, gidala dayon kini sa City Disaster Risk Reduction and Management Council.
via || Bombo LJF
